المشاركات
أوعى البعبع نام وأتغطى
//
أقفل بقك يا أبني
//
أقفل بقك يا أبني
الحيطان لها ودان
أوعى يوم تصرخ
وتقول من حقي
أعيش إنسان
لما تسمع خبط
ولا أنكسر عليك الباب
خبي بسرعة مصحفك
أعمل نفسك عبيط
غبي منه فيه
ولا حتى تايه
أو سكران
أقفل بقك يا أبني
البعبع جواسيسه
في كل مكان
غطي نفسك بلحافك
وسمي بالله قبل ما تنام
وإن جالك حلم حلو
أصحى بسرعه وأستعيذ بالله
من الشيطان
ياما سمعنا من دا كتير
كلام أتربى عليه أهالينا
وعليه ربونا
جدران من الخوف
عليها صلبونا
بأسم أمن الدولة خوفونا
ونسيوا إن الأمن الحقيقي
في شعب مش جبان
في كلمة حق تصرخ
من غير خوف
تزلزل قلوب الأعداء
نسيوا معنى الكلمة الحقيقي
وخلوه أمن السلطان
نسيوا أنها حته مني
وحبها بيجري في دمي
لو تعبت في يوم
عيني ما تنام
دي أمي وأنا أبنها
أزاي مني هتخاف
يا ناس دي بلدي وبحبها
ولو حطولي الدنيا في كفه
ومصر في تاني كفه
أختارها هي
ولو هعيش شحات
بقلمي
منى غنيم
منى غنيم
الأم والوطن من أعظم ما أعطانا الله يجب يكونا شيئ سامي بعيد عن كل يد غادرة وقلم ملوث تمنياتي أن يحفظ الله كل أصحاب الضمير والفكر الحي ويحفظ أوطاننا ويعيد الحريةو الأمن لكل وطن محتل..
ردحذف